HAE-ի ախտորոշում
Ինչպե՞ս ախտորոշել HAE-ն
Կարևոր է նշել, որ անգիոայտուցի դեպքերի մեծ մասը չի համարվում HAE կամ C1 ինհիբիտորի
դեֆիցիտ: HAE-ի ախտորոշման համար պահանջվում է արյան կամ գենետիկական նմուշի լաբորատոր
հետազոտություն:
Գոյություն ունի արյան երեք տեսակի հետազոտություն, որը օգտագործվում է ժառանգական անգիոայտուցի
I կամ II տիպի հաստատման համար։
- C1-ինհիբիտորի քանակական (անտիգենիկ) որոշում
- C1-ինհիբիտորի ֆունկցիայի որոշում
- C4 մակարդակի որոշում
Անգիոայտուցի տեսակները․
HAE-ի առաջին տեսակ՝ հանդիպում է-հիվանդների 85% մոտ․
Սա հիվանդության ամենատարածված ձևն է և բնութագրվում է C1-ինհիբիտորի ցածր քանակական
մակարդակով։
HAE-ի II տեսակ՝ հանդիպում է հիվանդների 15% մոտ․
Այս տեսակի հիվանդների մոտ առկա է C1 ինհիբիտորի ֆունկցիայի խանգարում, իսկ մակարդակը նորմալ
է կամ նորմայից բարձր է:
HAE՝ C1 ինհիբիտորի նորմալ մակարդակով
Անգիոայտուցի այս ձևը դեռ ամբողջությամբ ուսումնասիրված չէ։ Հայտնաբերվել ՝ մակարդման 12-րդ
գործոնը կոդավորող գենի մուտացիա, որը կարող է դառնալ HAE-ի առաջացման պատճառ։